Мен, Байбосынова Айгуль Есжановна, 1975 жылдың 17 маусым күні Жамбыл қаласында дүниеге келдім. 1992 жылы Ордабасы ауданы Бадам стансасындағы С.Сейфуллин атындағы мектепті бітіріп, Шымкент қаласындағы педагогикалық институтының физика-математикалық факультетіне оқуға түстім. 1996 жылы «Математика, информатика пәндерінің мұғалімі» біліктілігін алып шықтым. 

1995 жылы Муратбек Кенесович Байбосыновпен тұрмыс құрып, дүниеге 5 перзент әкелдім. Еңбек жолын 1996 жылда Қазақтелеком компаниясынан бастадым. 2005 жылы педагогикалық тәжірибемді Шымкент қаласындағы №6 кәсіптік мектептен бастадым. 2008 жылы мұғалімнен әдіскер қызметіне ауыстым, ал 2009 жылдан бастап директордың оқу-ісі жөніндегі орынбасары қызметін атқардым. 2012 жылы «Жаратылыстану ғылымдарының магистрі» дәрежесін алдым. 2014 жылы қараша айында Шымкент қаласында орналасқан Ақпан батыр атындағы №10 жалпы орта мектебінің директоры лауазымына тағайындалдым. 2022 жылдың тамыз айынан бастап ротациялау әдісімен №40 мектеп-гимназиясының директоры болып тағайындалдым.